Assange naceu en Townsville, Queensland, e pasou moita da súa xuventude en Magnetic Island. Seus pais dirixían unha compañía teatral ambulante. En 1979, súa nai casou de novo; o seu novo marido era músico. A parella tivo un fillo pero romperon en 1982 e tiveron desavenencias pola custodia do medio irmán de Assange. A súa nai, a continuación, mantivo agochados aos seus fillos os cinco anos seguintes.
En 1987, despois de cumprir 16 anos, Assange comezou a xaquear baixo o alcume de “Mendax”. El e outros dous xáqueres uníronse para formar un grupo que chamaron os Subversivos Internacionais.
Durante a nenez mudouse varias ducias de veces, alternando frecuentemente as clases formais coas clases en casa e logo asistindo a dúas universidades en distintos periodos en Australia. Ténselle descrito coma en gran medida autodidacta e con moitos coñecementos en ciencias e matemáticas. Dende 2003 a 2006 estudou física e matemáticas na Universidade de Melbourne pero non afirma terse graduado. Na súa páxina persoal, describe como representou á súa universidade na Competición de Física Nacional de Australia arredor de 2005. Tamén ten estudiado filosofía e neurociencia.
esta é a nosa proposta de solución
